|
San Pedro de Arante pertence ao Arciprestazgo de Ría de Abres e en 1991 tiña 323 habitantes, cunha densidade de algo máis de 20 hab/km2.
A súa situación correspóndese co extremo suroeste do municipio, polo norte limita coa A Devesa. Polo Nordeste o río Lexoso serve de limite con Cubelas.
No punto de unión do Lexoso co río Grande empeza Cedofeita que é o seu límite Leste. Ao sur limita con Trabada (Vidal), e ao oeste con Barreiros.
Abarca unha superficie de 14,75 Km², polo que é a terceira en extensión. é unha das parroquias máis montañosas, aínda que tamén conta con dous importantes vales: o val do Río Grande e o val do río Lexoso. A altitude máxima chega aos 440 metros.
Comprende esta parroquia : Barredal, Bestilleiros, Vilamariz, Remourelle, Cee, Penedo, Fondo dá Vila, A Ponte e Porto Bragán.
Na Ponte celébrase unha romaría de orixe medieval, que conmemora a vitoria sobre os franceses. é unha festa de gran colorido onde se ondean uns pendóns de cores. Ten un gran valor histórico a recuperación realizada nestes últimos anos desta festa.
Arquitectura Relixiosa
Igrexa de San Pedro de Arante (século XVIII), coa nave central cuberta por bóveda de canón e arcos de medio punto que remata noutra bóveda de pavillón sobre tres arcos de pedra, tamén de medio punto. No interior, tres retablos: dous deles barrocos e o outro clásico. Capelas das Virtudes (A Ponte) e Santa Mª Magdalena (Remourelle)
|
Fonte Rss de Ribadeo.com
Ribadeo 
