RIBADEO 8 de Setembro

Ribadeo, con catro festas ao longo do ano, é a parroquia que máis festas celebra, das doce que compoñen o concello.
As Patronais de Ribadeo, que teñen como día grande o 8 de Setembro, celébranse en honra a Santa María do Campo (patroa de Ribadeo).
O día 16 de Xullo celébranse as Festas da Virxe do Carmen (patroa dos mariñeiros), cunha procesión de embarcacións pola Ría de Ribadeo, levando a bordo á Virxe. Nesta procesión tírase ao auga unha coroa de flores, en memoria dos mariñeiros mortos no mar.
O primeiro Domingo de Agosto, celébrase a Xira de Santa Cruz, romaría campestre na hermita do mesmo nome, con concursos de gaitas, bailes, coros, etc...
O día 16 de Agosto celébranse as Festas de San Roque na capela de San Roque.
O 4 de Outubro celébranse as Festas de San Francisco, na rúa San Francisco.

Festas das parroquias de Ribadeo:

ARANTE

Festa Patronal : 29 de Xuño
Celébrase a Festa dás Cruces sete semanas logo de Semana Santa. é unha pequena romaría e procesión na que se portan sete cruces de sete parroquias distintas.
O 29 de Xuño celébrase a Festa Patronal en honra a San Pedro, cunha pequena procesión.
O 21 de Agosto celébrase a Festa da Magdalena.

OVE

Festa Patronal: 24 de Xuño
As Festas Patronais de Obe, celébranse o día 24 de Xuño, en honra a San Juan.
Na Festa de Santa Cruz hónrase á Virxe da capela do monte, o día 25 de Abril.

PIÑEIRA

Actualmente en Piñeira só queda unha festa, a Festa do Santo Cristo, que se celebra o último Domingo de Setembro.
Perdéronse a de San Juan (24 de Xuño) e a do Santo Rosario (27 de Decembro).

CEDOFEITA

A Festa da Magdalena celébrase en Cedofeita o 22 de Xullo.
A Festa da Virxe do Carmen celébrase o 24 de Xuño. Nestas dúas festas afaise a realizar unha procesión.

RINLO

Festa Patronal: 29 de Xuño
As Festas Patronais de San Pedro celébranse o 29 de Xuño, cunha procesión ata o peirao.
O 16 de Xullo, como en case todos os pobos mariñeiros, hónrase á Virxe do Carmen, cunha misa que se celebra no porto.

COUXELA

Actualmente en Couxela, só se celebra a Festa da Virxe das Dores, o cuarto Domingo de Setembro.
Perdéronse outras tres que xa non se celebran: a de San Blas (3 de Febreiro), a de San Antonio (13 de Xuño) e curiosamente a de Santiago, que é a patronal, o 25 de Xullo.

VILLAFRAMIL

En Vilaframil celébranse as festas o 10 de Agosto, en honra a San Lorenzo, con procesión ao redor da igrexa.

CUBELAS

Festa Patronal: 22 de Xaneiro
Na parroquia de Cubelas celébranse dúas festas.
A Festa de San Vicente, que é a festa patronal, o día 22 de Xaneiro.
O 15 de Setembro celébrase a Festa da Virxe das Dores, que presenta un carácter máis festivo que a anterior.

VILAOSENDE

En Vilaosende celébranse as Festas Patronais o día 10 de Decembro, en honra a Santa Eulalia.
A Festa das Flores celébrase a última semana de Maio ou a primeira de Xuño.
O día 10 de Xuño celébrase as Festas do Corazón de Xesús. Trátase dunha celebración relixiosa (sen verbena), xa que antigamente considerábase que bailar ese día era pecado e actualmente consérvase tal tradición.

A DEVESA

Festa Patronal: 10 Decembro
O 31 de Agosto celébranse na Devesa as Festas en honra a San Ramón, que inclúen romaría e procesión.
As Festas Patronais de Santa Eulalia celébranse o 10 de Decembro e contan cunha gran tradición na zona xa que coinciden coa época da matanza do porco.

VILASELÁN

En Vilaselán celébranse as Festas das Virxe o 10 de Abril.
As Festas de San Antonio teñen lugar o 13 de Xuño