|
||||
| Ribadeo F.C |
Oficialmente Ribadeo federou o seu primeiro equipo en 1913, co nome de Club Deportivo Ribadense.A súa primera xunta directiva integrábana D. Ramon Bustelo Gonzalez, como presidente de honor; D. Amando Suarez Couto, presidente executivo, e en calidade de vocais figuraban D. Justo de Iribarren y Vega e D.Francisco Martinez Gonzalez. O primeiro partido do Club Deportivo Ribadense tivo lugar o 17 de agosto do citado año 1913 (dia seguinte á festa de San Roque, copatrón da vila) e o rival foi o Sport Club de Luarca, equipo este que se impuxo ao de Ribadeo polo tanteo de 2-3. A formacion ribadense foi esta: Martinez; Moreda, Penzol; Soto, Cuervo, Cancelos; Alonso, Blanco, Gayol, Osorio e Couto.
Andando o tempo o Club Deportivo Ribadense pasou a chamarse Ribadeo F. C. ; mas tarde tivo como denominacion a de Sporting Club Ribadeo e despois volveu a recuperar o titulo que ostenta actualmente. Pero non só houbo na vila equipos cos os nomes citados, senon que tamén existiron, federados ou non, outros como o Arenas Club, o Racing Club, o Club Marina e algúns outros, cabe engadir tamén varios de distintas parroquias do municipio, como por exemplo o Racing Club Devesano, o Villaframil C.F., o Unión Club de Rinlo, o Pineira F.C. e Los Tigres de Los Pociños, de A Devesa, igual que o Racing.
As primeiras patadas a un balón ou a unha pelota feita con unha vexiga de porco e chea de trapos, comezaron a darse alá polo ano 1.909, con ocasión da entrada en servicio e explotacion das minas de Vilaodrid, cuxa produción se exportaba a diversos paises estranxeiros, a bordo de grandes barcos cargueiros, na súa maioria ingleses, e cuxas tripulacións, mentres os navíos enchían as súas bodegas do férrico mineral, saltaban a terra e dedicábanse a xogar ao fútbol polos prados inmediatos ao Cargadeiro, á vila e das parroquias próximas. E cabe no posible que asi sucedese e que foran os mariñeiros da Gran Bretaña os que introduciron a practica deste deporte na comarca de Ribadeo e despertasen a aficion polo mesmo.
No ao 2003 polo tanto cumpliu 90 años, durante os que pasou numerosas vicisitudes e éxitos. O maior logro do Ribadeo FC é a organización desde o ano 1952 (que o convirte no Vicedecano despois do Teresa Herrera, 1946) do prestixioso Torneo veraniego Emma Cuervo, organizado polo presidente en aqueles anos Don José Barrera. Actualmente dito torneo segue co mesmo vigor e impulso das mans da directiva que preside Don José Pulpeiro Doval.
CADETES 2009
|
| Modificado o ( Sábado, 26 Xuño 2010 18:11 ) |
