En coche

Desde Asturias

Desde Oviedo (152 kmts) ou Xixón (150 Kmts) tomaremos a estrada que nos leva pola costa asturiana ata Barres (Castropol) onde deixaremos de lado a estrada que vai cara a Vegadeo continuando recto cara a Ribadeo e desde alí faltarannos tres quilómetros ata cruzar a Ponte dos Santos e alcanzar o centro urbano, temos dúas entradas unha xusto ao finalizar a ponte e outra a un quilómetro na rotonda do Voar permitiranos entrar polo outro lado da Vila.

Desde Galicia

Desde Lugo podemos tomar a estrada que vai por Meira e A Pontenova ata Ribadeo (87 kmts), unha estrada sen trafico ben asfaltada aínda que con bastantes curvas no tramo de baixada desde Marco de Alvare. Tamén se pode ir por Rabade, Vilalba, Mondoñedo e Barreiros (103 kmts), ten máis trafico pero a estrada non é tan sinuosa como a outra indicada.

Desde Santiago (177) ou A Coruña (156) tomaremos a A6 ata Baamonde, para continuar por Vilalba, Mondoñedo e Barreiros ata Ribadeo.
 

Dispomos dun completo porto deportivo con todos os servizos ao que se lle outorgou a Bandeira Azul da UE.

O porto esta situado en 43º 32' 05'' N e 07º 02' 22'' W é un porto importante de refuxio pois Xixón está a 64 millas náuticas e A Coruña a 81 e as características da nosa Ría fai dela un porto moi seguro.

Por Aire

Ribadeo dispón dun pequeno aerodromo en Vilaframil (a 4 kmts do centro urbano) Conta cunha pista de 900 metros de longo por 80 metros de ancho, dos que 870x18 metros, son asfaltados. O aeródromo é apto tanto para avións como para ultralixeiros.

Está situado 43º 33' 13'' N e 07º 05' 11'' W con altura de 25 metros, limiares 08 e 26 e clasificación 1B