Santa María Madanela de Cedofeita pertence ao Arciprestazgo de Ribadeo contaba en 1991 con 201 habitantes cunha densidade media de case 25 Hab/km2.

Localízase na zona centro-sur e conta cunha extensión de 8,35 Km². Limita ao norte con Cubelas no leste con Santalla de Vilaosende e Couxela e polo sur coas parroquias trabadenses de Balboa e Vidal. Ao Oeste limita con Arante.

O río Grande marca o límite norte, e vai ao regato Queixoiro que atravesa o municipio, polo sur o regato de Ferreira serve de limite municipal con Trabada.

é montañoso, con numerosos vales, alcanzando unha altitude máxima de 460m.

Existe constancia documental da súa existencia no ano 1202

Historicamente esta parroquia tivo o seu gran momento no século XIX, cando coas parroquias limítrofes, crearon o municipio de Cedofeita desligándose así do municipio de Ribadeo. Con todo, esta independencia durou pouco tempo xa que a integridade territorial do municipio de Ribadeo foi restaurada pola Xunta de Goberno da vila en 1843. A destacar tamén a Torre de Cedofeita.

Comprende as seguintes poboacións: Cedofeita, Requiande, Currada, Queixoiro, Trapa, Torre, Piñeiro, Barreiras e Pedregal, San Antonio e Teixido.

Arquitectura Relixiosa

Igrexa de Santa Mª Madanela e do Biso (Natividade) en Cedofeita, Nª Sra do Carmen e a de Santiago en Piñeiro

Arquitectura Civil

Torre-Pazo de Cedofeita, construído a finais do século XV ou principios do XVI. Todo o edificio está construído en lousa, cos esquinales e dinteles en granito. A súa planta é rectangular, con dous pisos e unha torre. O conxunto complétase con hórreo, pombal, muíño e capela

Fonte Rss de Ribadeo.com